新與舊的飾物

化為真實...

細個時睇完聖鬥士漫畫，想著如果大系出晒所有角色就好... 但從無諗過飾物都可以真實化... 到左大個時，知道有同人製作這些飾物，但都無理會... 直至... =_=!!

在2004年的一年一度夏季漫畫展 (當時漫畫展和書展是一齊舉辦的)，係某一個攤檔中被一條鏈深深吸引著... 這就是東映所出的，冥王篇中阿瞬所戴著的「YOURS EVER」頸鏈@@ 這當然二話不說地買回家中XD 這條頸鏈的吊咀雖然無漫畫所畫的咁大，但已經有99.9%相同:) (餘下個0.1%就是吊咀不大:p)

還記得係漫畫第一次出現時，阿瞬和星矢在冥界三途河被天間星卡戎阻擋前進，阿瞬為了順利渡河，除下這條鏈給卡戎作過路費，之後當然不是這麼簡單，這條鏈的出現，引發左後來係朱迪加大殿中，阿瞬原來係冥王的真相@@ (當然真相背後的真相是阿瞬只是冥王的替身:p)

說回現在，曾經係某討論區睇過，五子中誰人最強，有些fans會選阿瞬，因為變左做冥王瞬，女神都可能唔夠打:p 我都會揀阿瞬，但並不是因為可以變身做冥王瞬，而係他本身隱藏的強大力量，只是他善良不忍心傷害別人而不用，係漫畫中阿瞬的師父仙皇座阿路比奧尼亦有提過，敵人係會睇唔到瞬善良內心之下，隱藏著強大的力量 :)




當聖衣箱變成吊咀時...XDD

以前，所有聖衣箱，不論是青銅、白銀或者是黃金，都是超重的背著係每位聖鬥士身上，現在不用這麼辛苦了，以後出街都可以戴著:p (突然諗起Omega的聖衣石:p)

東映大約係2011年左右，首次推出人馬座黃金聖衣箱頸鏈 (又係東映... =_=)，我當然係支持買左~~XDD

其中人馬座聖衣箱吊咀可以同鏈分開，掛係不同的物品上，方便配搭:D

2013年，Bandai可能受到大陸同人製的可拆式黃金聖衣箱頸鏈刺激 (吊咀可拆，內有聖衣型態):p 係魂shop突然推出18K鍍金頸鏈，以黃金12人聖衣箱為主@@ 直至現在，已經推出到雙子座了，而且價錢仲... 雖則一個月出一條...=_=!! (睇怕想下好了... )






謎一樣的紐扣...!?

最近，返去很久無到的西環外婆家中找尋東西... =_= (好大塵，而且仲好大陣味... x_x)，找到幾年前由荃灣搬去西環的謎一樣東西 - 10粒碩果僅存的聖鬥士星矢紐扣@_@!! (無理由wo，明明這些應該不會搬的，真是一個謎... =_=!!) 這當然第一時間拎起放回自己的袋中，怕又再遺失... =_=

這10粒紐扣年份不詳，只記得係我讀官立小學時，在小食部買零食時送的 =_=

零食名唔記得，又係只記得一包零食裡有3個紐扣，隨機款式... =_= 應該有相同... 但可能細個時將相同的掉左... =_= 留下現在的10粒... =_=

功能... 可能是俾當時的細路掛係衣紐上做裝飾 (背面有凹位可鈎著衣紐)...=_=