懷念。展覽

展覽的別離...

當今天過去，聖鬥士星矢展覽就會正式從Mikiki商場退下來...

回想起由開幕到現在的結束，雖然只是得7個星期展覽，但難免有點不捨得...T-T

每當我去到展覽的時候，就會聽到不同的人說「我細個時候曾經有這個」、「嘩~~~」、「每晚都要睇完動畫先去瞓」等等這些字句，我都會回頭一望:D 說穿了，其實我同這些人一樣，見到珍貴的珍藏品都會大叫出來XD 同時亦會回想起以前的事情:D







回憶。7星期...

新蒲崗，一個聽到都覺得遙遠的地方 = = 雖然有巴士、小巴等等這些交通工具，但仍然洗脫唔到我對它的印象...= =!! (原諒我吧...= =)。直至聖鬥士星矢展覽的出現，將我和新蒲崗這地方拉近左距離 :p 每次我會選擇由鑽石山地鐵站下車，轉乘70號小巴，再步行約3-4分鐘左右到達Mikiki商場:D  除了換到我想要的物品外，我亦會留意周圍有無關於這次展覽的消息XD (初期商場很少係附近宣傳這次展覽... = =)

12月頭左右，放工如常去Mikiki商場，經過鑽石山地鐵站C出口，俾我見到廣告燈箱放了這張宣傳海報，於是影下作為留念:D 商場終於開始大力宣傳... T-T

早在11月尾左右，香港各大報紙雜誌 (東方報、太陽報、蘋果報、Face magazine、e-zone、New Monday、metro Popicon等等...) 為這次展覽作介紹，當然幾位收藏家亦有出鏡:D 多謝朋友們的提醒，好難得才集齊到有關這次的報導T-T 當時一收到消息就會撲出去買，有些靠朋友幫手、有些找阿媽幫手，雖然有少少辛苦，但我好享受XD 就好似歌迷追星一樣，不過，我係追聖鬥士XDDD

在商場正門外掛了好大幅展覽的膠海報:D 實物真的好大、好大，係超級大... = = 有兩層商場咁高 = =!! 想要這個的話都唔知點抬回家中...= =!! 如果變細啲會更加好XDD

算吧XD 還是影抵作紀念:D

12月又是聖誕節的月份，商場內周圍都貼有這次展覽的介紹海報:D 之前提及的換杯墊事件，由原本三間變成兩間，最後四個杯墊由Gelare的細窩夫+雪糕代替Riso的兩款飲品，好可惜呀... 但不緊要:D 之後我約了幾個朋友係Riso聚會，無杯墊換都過了一個開心的聖鬥士聚會XD (遲啲試下Gelare的細窩夫+雪糕先，不過，天氣咁凍，都係等夏天才去食吧~:p)

除了這些，我幾喜歡展覽館內部的裝飾，採用十二星座作為圖案，再配以LED燈的夜空背景，襯托收藏品，是這次展覽的另一個特色:D

其他特色場景是雅典娜女神神像、兩個天馬座星矢 (已電鍍和白色兩款)和天馬座星衣箱:D

到了23/12日，這天，突然出現了一個無頭的1:1雙子座聖衣係展覽後面@@ 本以為直到展覽完為止都不會見到這個雙子座聖衣... =_=!! 這次真的多謝朋友見到... T-T 於是24號當日，食完公司聖誕聚餐後早放工，就二話不說地乘MTR過去Mikiki，為的只是想親眼見到:D

雖然從朋友的相中已知道是無頭的，但到左現場親眼見到無頭的雙子座聖衣，心中不禁流淚... T-T 既然無頭，何解不改用頭盔版...T-T 明明係聖鬥士星矢25週年中，特別係Yahoo Japan整左個特集blog，而個blog裡頭有講製作雙子座聖衣的全個過程，全件聖衣亦已完成左... T-T

如果香港這個真係整唔切，咪借著這個頭盔先囉... T-T 唔使搞到件聖衣好似無頭騎士咁... T-T

 

魂展人馬座聖衣全齊、動漫展海皇件鱗衣全齊...

翩翩件雙子座聖衣係Mikiki聖鬥士展覽就無左頭盔...

我覺得這是一個遺憾...

 

後記...
 

雖然7個星期，話短唔短，話長唔長...

而展覽可能在將來未必再有...

但香港首次聖鬥士星矢的展覽我會永遠記得:D

最後，再次感謝幾位收藏家 (Eric、Trevor、Jack、King & Vieko) 帶珍貴的物品俾我地這些fans觀賞~:D